Федеральная национально-культурная автономия азербайджанцев России
ФНКА азербайджанцев России создана 1 октября 1999 года

Urmiyada azərbaycanlılarla polis arasında toqquşma olub

  • 19/06/2013 --
  • Просмотров: 3605
6239461E-2CA9-40F4-9382-421830E2FFF3_mw1024_n_sİyunun 18-də İranın Qərbi Azərbaycan vilayətinin mərkəzi Urmiya şəhərində yerli əhali ilə polislər arasında toqquşma baş verib.
FNKAA.RU-nun “Oyannews”a istinadən verdiyi məlumata görə, buna səbəb İranın futbol üzrə yığma komandası 2014-cü ildə Braziliyada keçiriləcək dünya çempionatına vəsiqə qazanmasının ardından bir qrup şəxsin bayraqlarla küçələrə çıxaraq müxtəlif şüarlar səsləndirməsi olub.

Bundan başqa, şəhərin müxtəlif meydanlarında pulsuz İran bayraqlarının paylanılması da yerli sakinlərin hiddətinə səbəb olub. Nəticədə Azərbaycan türkləri küçələrdə, xüsusilə Xəyyam xiyabanında buna etiraz olaraq “Azərbaycan var olsun, istəməyən kor olsun!” şüarı səsləndirməyə başlayıblar.

Hadisəyə İran polisi və mülki geyimli məmurlar müdaxilə ediblər, tərəflər arasında güclü qarşıdurma baş verib. Hələlik xəsarət alanlar və həbslər barədə məlumat yoxdur.

 

Ancaq aksiyaya qatılmış azərbaycanlıların fotolarının çəkildiyi və videolentə alındığı bildirilir. İran polisi şadyanalıq edən digər kütləyə isə heç bir müdaxilə etməyib, hətta onları qoruyublar.